ВАРТАВЫМ ЗДАРОЎЯ.
Ад хваробы я не плакаў,
Бо з іконкай побач жыў,
Тэрапіі слаў свой дзякуй,
І ў Іссуса сіл прасіў…
То таблеткамі, то шпрыцам,
То лячыўся дабрынёй…
Свой паклон ім шлю, як рыцар,
Што мяне вярнулі ў строй.
І ад хворых і ад грэшных,
Шлю падзякі ім шточас -
Хто ў халатах беласнежных,
Вартавым здароўя ў нас!..
Сёння з радасцю ліпнёвай
Я вярнуўся ўжо дамой,
Шлю ўрачу Панамаровай
Самы шчыры дзякуй свой!
З думкай светлай, благароднай
Слаўлю я бальнічны час,
Дзякуй шлю Краіне роднай -
Што бясплатна лечыць нас!.

Отредактировано Соловцов (2014-10-11 20:23:22)

ГОД СУМОТЫ
              Адзе Ільінічне Бычковай
Вось і год незаўважнай сумоты прайшоў,
Як душа  яе дзесьці ў нябёсах…
І сягоння  ёй кошык я шлю шчырых слоў,
І вадзіцы са жнівеньскіх росаў…
Ты жывеш ва ўспамінах – у квецені дзён,
Крочыш вечнай дарогаю новай…
Ёй, як маці, бабулі - наш нізкі паклон
Шлём сягоння мы Адзе Бычковай!.
Там - у царстве нябёсаў штодзень  спачывай
Пад спагадлівай боскаю ласкай,
Нам ад сонца, з сузор,яў святло пасылай
З бессмяротнай затруннаю казкай…
Мы ж - дарогай зямною да шчасця ідзём,
Слёзы смутку нас кожнага раняць,
Мы цябе будзем помніць – пакуль мы жывём,
І дарыць будзем кветкі на памяць!..
Мікалай Іванавіч Салаўцоў, сябра сям,і, паэт,
член Саюза Пісьменнікаў Беларусі.
           Жнівень 2014 года.

ДОБРЫ ДЗЕНЬ, КАЛЕДЖ!
Я прыйшоў на стрэчу з вамі
Як земляк – былы студэнт,
Хоць састарыўся гадамі,
А душой –абітурыент                                                                                                               
Завітаў да вас не пешшу,                                   
Падарыць хачу вам верш,                                 
Як былы студэнт –ветфельдшар,                     
Дзякуй шлю табе, каледж!                               
Ты  навукай поўніў грудзі,                               
Браў мой  лёс на абардаж…                             
Ты і старт мне даў  у людзі,                             
Эрдман быў дырэктар наш…
Гэты  тэхнікум вядомы,
Шэсцьдзесят гадоў назад-
Тры гады быў родным домам,
Пашыраў мой далягляд.                       
Скалпель даў з фанэндаскопам,
Шпрыц з тэрмометрам мне даў,
Каб жывёльныя хваробы
Я,  як маг, распазнаваў..                         
Помню класную – Літвінку,
Цяжка ўсіх сяброў назваць,
А таму хачу з хвілінку
Вам пра лёс свой расказаць.                     
Я не быў аблашчын долей,
Жыў пасля вайны, як бомж…
І сягоння ў сэцы з боллю
Праклінаю смутку вош…                                                       
Сніцца бульбы пах ніловы,                                                              
Што вясной я ўпотай рыў,                                                          
І нагайка старшынёва,                                                                       
Ад якой не раз я выў..
Помню добра, як над намі
Час рэпрэсій панаваў…
Як за шапку з каласкамі
Пяць гадоў  турмы даваў…                                                           
Я дзесяты… шмат па вёсках                                      
Падаянняў – слёз  збіраў,                                              
І калгасныя палоскі                                                  
Я сярпом з  матуляй  жаў…                                          
Так мы доўга гаравалі,
Працавалі кожны дзень,
У калгасах нам давалі
Замест грошай – працадзень…
Лебяду з лазовым лісцем
Еў я ў той галодны час…
Верыў – хутка прыйдзе выйсце,
І прыйшло яно для вас…                         
Больш не буду я шматслоўным,
Бруд збіраць з былых дарог…
Так, вы ў гэтым не віноўны,
А за што ж караў нас Бог?..
Сёння моладзь крочыць горда,
І не  брудам поўніць рот…
Крытыканам – плюну ў морду,
Павяду ў свой час бядот…               
Бо за мной, як за паэтам,
Зоркай ззяе праўды час…
Вы павінны помніць гэта –
Як тарылі шлях для вас!!..
Мы жывём сягоння шчасна,
Расцвітае родны край,
Дарагі каледж наш класны -
Мой паклон зямны прымай!!..
Роднай вёсцы Красавічы -
Шлю паклон таксама свой,
Любы  горад Клімавічы -
Ты ў душы навек са мной!..
МІКАЛАЙ ІВАНАВІЧ САЛАЎЦОЎ,
былы выпускнік Клімавіцкага
ветзаатэхнікума ветэрынарнага
аддзялення 1968 года, 21чэрвеня.Паэт,
Сябра Саюза Пісьменнікаў Беларусі.
Горад Клімавічы, 10 красавіка 2014
года, кантакт. тэл.80296721142 вэлк.

РАМАНТЫЗМ
Мой рамантызм крылаты
У вольнасці  вятроў,
У святасці Калядаў,
І ў трэлях салаўёў
Мой рамантызм крылаты
У люстрах чыстых рос,
У зорках па-над хатай,
І ў песнях звонкіх кос…
Мой рамнтызм крылаты
У шчырасці сяброў,
У пульхных снегападах,
І ў квецені садоў...