КРЫНІЦА ШЧАСЦЯ
https://by.mybb.rocks/i/blank.gif
  (з нагоды 8 сакавіка)

Жанчына – гэта сонца ў хаце,
Крыніца шчасця і дабра,
Калісьці Бог жанчыну-маці
Зрабіў з Адамава рабра...

І з той пары – наш крок адзіны:
Ствараць жыццё, рабіць дабро,
Таму імкнуцца ўсе мужчыны
Знайсці ў жанчын сваё “рабро”...

І сёння ў час святочны, светлы
Шлём дзякуй сонечнаму дню,
І дорам вам з усмешкай ветлай
Сваю любоў і дабрыню!..

З ДНЁМ НАРДЖЭННЯ   
     
                             (Унучцы Марыне Шумавай з нагоды
                             адзінаццаці годдзя).

Унучка Марынка                         Жыць доўга, шчасліва
Нібыта малінка,                           І працалюбіва,
Глядзіце, сягоння                        Але трэба вобраз
Ў адзінаццаць год:                     Жыцця свой мяняць:
Галубкай варкуе,                        Камп”ютар і тэлік -
Усмешкай чаруе,                         На лыжы і велік,                       
Як пчолка імкнецца                    Тады на хваробы ты       
Ў бусліны палёт…                        Можаш пляваць…

З настроем вясёлым                    Жадае дзед Коля:
Дзядуля Мікола                           Ёж мёду паболей, 
Жадае здароўя,                          Любі фіззарадку,
З дзесяткай дружыць,                 Гурток “ЮЖЛ”…
Быць добрай, слухмянай,            Каб скінуць турботы -                                         
Дзяўчынкай стараннай,               Хадзі ты ў паходы,
Бацькоў і Радзіму                        Прымай у грамадстве
Душою   любіць!                          Актыўны ўдзел! 
                                           
                           26 ліпеня 2011 года.

                  ЮЖЛ-юны журналіст і літаратар.

ДОБРЫ ДЗЕНЬ ЗЕМЛЯКІ

           Прысвячаю выпускнікам 1956 года

Савініцкай сярэдняй школы, Клімавіц-
кага раёна, Магілёўскай вобласці, з нагоды
сустрэчы ў 2010 годзе ў Ціманаўскай школе. 
Добры дзень землякі – Клімаўчане,
Я да вас завітаў не як госць.
Дзякуй тым, хто сабраў сёння раннем
Савініцкіх гадоў маладосць!
Савінічы...драўляная школа...

Але ведаў дала яна шмат,
Навучыла быць добрым, вясёлым,
Падарыла ў жыццё далягляд.
Дзякуй шлю Рыбаковай Ганнулі –
Маёй класнай  найнізкі паклон,
Што была тры гады, як матуля,
Не дала мне сыйсці пад адхон...

Бо плаціць не было чым за школу,
За мяне - яна стала гарой...
З Аляксеенкам Пецем Мікола
Зноў за ведамі рушыў у бой...
Па шаснаццаць штодзень кіламетраў
Я з Красавіч  у школу хадзіў,
Лез за ведамі, бы на Айпетры,
І ніколі тады не тужыў...

Быў дзесятым я ў маці Параскі,
Год рэпрэсій мяне нарадзіў,
Жыў без бацькі я з матчынай ласкай,
І ў царкву з ёй па святах хадзіў.
Разам з ёю маліўся нямала
За свабоду, за рыначны час,
І пры лямпе чытаў я Купалу,
Каб хутчэй узыйсці на Парнас..

Сёння радасць з сумотай блукае,
Школу нашу Чарнобыль спаліў,
Шмат бядоты даў роднаму краю,
Сірацінаю школу зрабіў...                   
Але мы не скарыліся лёсу,
Кожны выбраў сабе верны шлях...
Хто настаўнікам стаў, хто матросам,
І ніхто з нас з тугі не зачах...
                 
Сёння моладзь расце залатая,
Апярэджвае ведамі нас,
І на нашых карэннях буяе,
Свой стварае камп”ютарны час...
Мы ж - не выхадцы з неба другога,
Мы з разрухі ваеннай, былой –
Калі нас адлучалі ад Бога,
Як раслі мы на бульбе гнілой.

Талакою штогод плуг цягалі,
І фашыстаў клялі кожны дзень,
Край разбураны ўшчэнт аднаўлялі
За мазоль свой і за працадзень...
Беларусь сёння ружаю ззяе,
Сагравае цяплом кожны дом,
Нас пяшчотай, павагай ласкае,
Мы за гэта ёй дзякуй свой шлём!

ПАІМЧАЎСЯ РУБЕЛЬ

Паімчаўся рубель
За трыдзевяць зямель,
Наўздагон за далярам
У штаты...

Я ж... даляр – карабель
Хочу зрушыць на мель,
Каб рубель мой стаў самым
Багатым...

Ды ў мяне сіл няма,
Бо марозіць зіма...
Можа гэта жаданне
Бязбожна?...

Але што ні кажы,
Будуць бедны грашы,
Покуль жыць мы не станем
Заможна...