ДАРАГІМ ЗЕМЛЯКАМ КЛІМАЎЧАНАМ
  ( З НАГОДЫ 90-ГОДДЗЯ КАМСАМОЛА).
Над рэчкай Жадунькай стаяць Красавічы,
Я там  нарадзіўся -падняўся ў палёт...
І першым прыпынкам былі Клімавічы,
Дзе быў важаком камсамольскім пяць год...
Вучыліся жыць у старэйшых па працы,
Дубасаў і Котаў – паказвалі шлях...
Мы ў  справах штодзённых спяшалі змагацца,
Каб наш камсамольскі запал не зачах...
Было нас тры тысячы ў родным раёне,
Хто побач з бацькамі штодзень працаваў,
Атрад камсамольскі тады, як і сёння,
Вайною разбураны край аднаўляў...
Суботнікі і першамаі спраўлялі,
Вучыліся плуг талакою цягаць,
Сярпамі ў палях збажыну мы зжыналі,
І ўмелі зярняткі цапом выбіваць...
А потым малолі на жорнах у скрыні,
І з цеста з дзяжы хлеб пяклі мы штодзень,
Начамі чыталі пры лямпах, лучыне,
І верылі ў радасны, сёняшні дзень...
   Прайшлі Днепрагэс мы, прайшлі і Магнітку,
   Аддаў камсамол цаліне свой запал...
   На Сцягу ягонным шмат ордэнаў – зліткаў,
   Народнае славы каштоўны метал...
   Смуткую сягоння я па Савінічах,
   Дзе скончыўшы школу я ў росквіце мар,
   Патрапіў у тэхнікум з родным абліччам,
   Прыдбаўшы прафесію ветэрынар.
  О, горад мой любы, о горад мой мілы,
   І ўвесь дарагі Клімавіцкі раён-
  Прымі шчыры дзякуй, што даў ты мне крылы,
  Прымі прывітанне і нізкі паклон!
   З табой пры сустрэчы - здымаеш мне стому,
   І робіцца лёгкім па вуліцы ход,
Гатоў я пад старасць вярнуцца дадому,
Каб славіць у вершах цябе і народ.
Ты самы найчысты і самы прыгожы,
Мой горад  радзімы, любімы мой край,
Штогод харашэеш  пад ласкаю божай,
Ствараеш  людзям непаўторны свой Рай!
Са шчырасцю дорыш усмешкі і дзецям,
Мой горад любімы – табой ганарусь!
Хай “Пчолка” штогодна Вас славіць у свеце,
І ружай квітнее штодзень Беларусь!
Люблю я, як сын, твае цуда прасторы,
Хоць я твае межы пакінуў шмат год,
Аднак я з табою і ў шчасці і ў горы,
Ты радасць мая і надзеяў аплот!
І сёння ў прыгожы, святочны дзень гэты
Са шчырымі словамі одаў, паэм –
Прымі нашых слаўных гадоў эстафету
Малодшы наш брат дарагі – БРСМ!
      МІКАЛАЙ ІВАНАВІЧ САЛАЎЦОЎ,
з 9.011963года па 15.01.1965 года сакратар
Камітэта камсамола Клімавіцкага раённага                 
вытворчага калгасна-саўгаснага упраўлення,                                                                   
з 15.01.1965 года па18.091967 года - першы                                                                             
сакратар Клімавіцкага РКЛКСМБ, з 18.09.1967                                                                                 
года – 18 гадоў працаваў старшынёй Чавускага
раённага Камітэта народнага Кантролю, 15 гадоў
быў галоўным рэдактарам раённага радыё.
    Член Саюза пісьменнікаў Беларусі, паэт.
Доўгі час узначальваў прэсс-цэнтр Дома дзіцячай
творчасці, быў кіраўніком гуртка “Юны журналіст і
літаратар” пры Доме творчасці ў горадзе Чавусы,
з”яўляецца кіраўніком  літаратурнага аб’яднання                   
“Маладзік над Проняй” пра райгазеце “Іскра”                                                     

21 верасня 2010 года

Отредактировано Соловцов (2015-03-07 20:25:41)