ГІМН  МАГІЛЁЎСКІХ
       ДАІШНІКАЎ.
Мы добрыя ДАІшнікі,
Дарогам Б"ём паклон,
Бо жэзлы ў нас, як клічнікі,
Для рулявых – закон!
Прыпеў:..
Мы кліч на вобласць кінулі,
Дэвіз у нас адзін-
Каб людзі больш не гінулі = 2 разы
Пад коламі машын!
Сябруем з пераходамі,
Дзяжурым ноччу, днём,
Працуем з пешаходамі,
І з п”янствам бой вядзём.
Прыпеў:..
Прафілактуем кожнага -
Ці ён юнак, ці дзед,
Каб правілы дарожныя
Выконвалі, як след!
Прыпеў:..
Праз вуліцы стракатыя
Не бегайце, як кот,
Дзе зебры паласатыя -
Рабіце пераход.
Прыпеў:..
Каб вам шафёры злючыя
Не слалі свой прывет,
Вас слікерсы бліскучыя
Аберагуць ад бед.
Прыпеў:..
А каб б не зналі гора вы
Ні летам, ні зімой -
Сябруйце з светлафорамі,
Чырвоны колер – стой!
Прыпеў:..
Ступіў нагой на вуліцу-
Скіруй налева зрок,
Далей, каб больш не жмурыцца -
Глядзі на правы бок!
Прыпеў:..
І штрафамі і словамі
Выхоўваем любоў…
Каб шоферы здаровымі
Вярталіся дамоў!
Прыпеў:..
МІКОЛА САЛАЎЦОЎ,
паэт,член СП Рэспублікі
        Беларусь.
(Верш надрукаваны ў газеце
"НА СТРАЖЕ" №3 за 15 студзеня
                  2016 года).