У Чавускай дзіцячай бібліятэцы пад дэвізам насустрач 80-годдзю Салаўцова Мікалая
Іванавіча чалавека, самабытнага паэта - гісторыка часу адбылася вечарына, якую
ладзілі настаўнікі СШ №1Таццяна Фаміна і Ірына Шундалава з удзелам вучняў
7-га і 10-га класаў. Напачатку Таццяна Фаміна расказала аб жыцці і творчай
дзейнасці Міколы Салаўцова. Затым паэт расказаў аб сваіх сустрэчах з Васілём
Быкавым, калі Мікалай Іванавіч праходзіў тэрміновую вайсковую службу у горадзе Гродна.
Мікола тады наведваў літаратурнае абяднанне пры абласной газеце "Гродзенская праўда", у якой
у той час працаваў Васіль Быкаў, які бываў на пасяджэннях літаратурнага аб"яднання. Расказаў
Мікалай Іванавіч і аб сустрэчах з Уладзімірам Караткевічам, Максімам Танкам, Пятром Прыходзькам,
Уладзімірам Паўлавым, Рыгорам Барадуліным, Аверь"янам Дзеружынскім і іншымі свяціламі беларускага
пісьменства, аб сустрэчы з Канстанцінам Сіманавым, які наведваў у свой час Чавусы. А ў снежні 2011 года
Мікалай Іванавіч Салаўцоў нават заняў другое месца у Магілёўскім абласным літаратурным конкурсе,
прысвечаным памяці  пісьменніка Канстанціна Сіманава ў намінацыі "Паэзія"(узрастковая катэгорыя
старэй 35 год) і атрымаў дыплом.
На вечарыне паэт Мікола Салаўцоў чытаў свае вершы, падзяліўся  творчымі планамі і адказаў на
пытанні прысутных школьнікаў. Усе засталіся задаволеныя ад сусрэчы і ўнеслі з сабой зарад творчай
бадзёрасці.