15 августа в д. Радомля Чаусского района состоится межрегиональный праздник «У госці да Радзімічаў»

15 жніўня  2015 года  ў вёсцы Радамля Чавускага раёна Магілёўскай вобласці адбудзецца II межрэгіянальнае свята  “У госці да Радзімічаў”, за-снаванае на падзеях і стылістыцы Х-ХІІ стагоддзяў. Гасцей і турыстаў на пляцоўцы каля старадаўняга гарадзішча Радзімічаў чакае тэатралізаванае прадстаўленне са старажытным абрадам рытуальнага вогнішча, традыцыйнымі касцюмамі. Падчас свята разгорнецца  стылізаваны кірмаш, дзе будуць прадавацца вырабы майстроў вобласці і рамеснікаў, розная сувенірная прадукцыя, пройдуць майстар-класы. Адным з галоўных эпізодаў кірмашу стане кулінарнае свята. У ім будуць актыўна задзейнічаны жыхары Радамля, якія прадставяць стравы мясцовай кухні.

У праграме свята:
11.00  –   адкрыццё этнічнага свята
11.20  –  тэатралізаванае дзеянне “Падарожжа ў мінулае”
12.00 — 14.00  –  святочны канцэрт “Напевы радзіміцкай зямлі”, працуюць атракцыёны “Арэлі”,  “Трапны стралок”, “Катапульта”, “Бой  мяшкамі” і інш.
14.00 — 14.30  –  узнагароджанне ўдзельнікаў свята
14.30 — 17.00  –  этнавечарына (танцавальна-забаўляльная праграма з гульнёвымі момантамі)
17.00  –  закрыццё свята
Арганизатары свята запрашаюць  жыхароў горада і раёна, а таксама гасцей, да ўдзелу ў этнасвяце.

See more at: http://www.chausynews.by/?p=10603#more-10603

(Фото с празднования прошлых лет)