Вядучая юбілею напачатку пад дружныя апладысменты зала запрасіла на сцэну юбіляра Мікалая Салаўцова, які ў вершаваным выглядзе зачытаў справаздачу аб пражытых гадах: "МАЕ ГАДЫ - ЖЫЦЦЯ ПЛАДЫ", а потым уручаў гэту справаздачу ўсім тым, хто яго віншаваў.
     

Звыш 15гадоў юбіляр узначальваў Чавускі раённы Камітэт народнага кантролю, ўзнагароджаны чатырмя Ганаровымі Граматамі КНК СССР, Знакам "За актыўную работу ў органах НК СССР" і іншымі граматамі і дзяржаўнымі ўзнагародамі. Таму павіншаваць свайго былога калегу-кантралёра прыехаў  начальнік службы арганізацыйнай работы Камітэта дзяржаўнага Кантролю Магілёўскай вобласці Вячэслаў Камісараў, які зачытаў прывітальны адрас Старшыні Камітэта Алега Віктаравіча Садоўскага.
   
Потым тут жа выступіла  намеснік начальніка Упраўлення ідэалагічнай работы аблвыканкама, начальнік аддзела па рабоце са сродкамі масавай інфармацыі і развіццю паліграфіі Алена Рыгораўна Дзівакова, якая зачытала прывітальны адрас намесніка старшыні аблвыканкама Андрэя Міхайлавіча Кунцэвіча і таксама ўручыла юбіляру Ганаровую Грамату Ўпраўлення ідэалагічнай работы аблвыканкама і кветкі.

Мікалай Іванавіч пасля выхаду на пенсію доўгі час працаваў кіраўніком гуртка"Юны журналіст і літаратар" у Доме Дзіцячай творчасці ". Члены гуртка часта выступалі па раённаму радыё, іх вершы, апавяданні, заметкі друкаваліся на старонках раённай газеты "Іскра", ў насценгазетах і ў іншых выданнях. За добрасумленную працу ён узнагароджаны Дыпломам Міністэрства адукацыі Рэспублікі Беларусь. Таму слова для віншавання ўзяў начальнік аддзела адукацыі, спорту і турызма Мікалай Уладзіміравіч Варанцоў разам са старшынёй райкома прафсаюза.
     .

Каля дзесяці гадоў юбіляр працаваў у рэдакцыі раённай газеты "Іскра", таму яго шчыра павіншавала галоўны рэдактар Наталля Мікалаеўна Шкрэдава.